المشاريع المشتتة تفشل في إقناع الناس بالشراء والتعامل معها.

فكرة تصيب بدأت من مشكلة تكررت علينا أثناء شغلنا في قطاع التواصل والتسويق.

يجي المشروع وهو يعتقد أنه جاهز للحملة أو المحتوى أو الإطلاق. لكن أول ما نبدأ، تطلع أسئلة كان المفروض تنحسم قبل:

وش المنتج فعلًا؟
وش العرض؟
ليش يختاره العميل؟
وين موقعه في السوق؟
وش شخصيته؟
وكيف المفروض يظهر؟

وقتها جزء كبير من الشغل يروح في الرجوع للخلف وترتيب الأساس قبل ما نقدر نبني عليه.

من هنا جاءت تصيب.

نشتغل على المشروع قبل ما يبدأ يستهلك وقته وميزانيته في الظهور والتوسع، ونرتب الأشياء اللي يحتاجها فعلًا عشان تكون الخطوة اللي بعدها أوضح.